-- ADVERTISEMENT --
BUTUAN CITY – Gipasalamatan ni suspended Bamban Mayor Alice Guo ang iyang mga constituents nga mitimbya sa iyang ika-38 nga adlaw’ng natawhan kagahapon Biyernes.
Gipaagi kini nga mga mensahe sa internet kondiin gibutyag pa niining wala siya magbasol nga misulod siya sa pulitika. Aminado kining nasakitan siya sa nahitabo kondiin halos mawala matud pa siya sa iyang kaugalingon.
Mihangyo kini og pagsabot sa mga tawong nadamay sa isyu ug mi-apela nga dili magpakaylap og mga fake news kalabot sa iyang gilambigitan karong isyu.
Gipamugos niining usa siya ka Pilipino ug ang tanang nahitabo kaniya, temporaryo lang.
