BUTUAN CITY – Gikumpirma ni PMajor Renel Serrano, station commander sa Cabadbaran City Police Station nga mitahan na sa mga otoridad sa Agusan del Sur, ang duha ka mga persons of interest sa pagkahanaw sa magtutudlong si Nelmar Viray, taga-Brgy. Sto. Niño, Butuan City ug nagtudlo sa Tagbungabong Elementary School sakop sa lungsod sa RTR, Agusan del Norte.
Sa eksklusibong pakighinabi sa Bombo Radyo Butuan, gipadayag ni Major Serrano nga base na usab kini sa pagkumpirma kaniya ni Jessica Tañola, residente ssa Purok 3, Brgy. Lankilaan, Trento, Agusan del Sur ug igsoon sa nag-unang person of interest nga si Macky Tañola.
Midangop matud pa kaniya si Macky ug ka-uban niining si Bryan Phil Coquilla rason nga iya kining gipatahan ngadto sa kapulisanm ug gisundo na kini karon sa kapulisan sa Cabadbaran City.
Nanghinaut si Major Serrano nga higayong madala na sa Cabadbaran City ang maong mga persons of interest, matudlo na nila kung asa nila gibiyaan ang biktima.
