BUTUAN CITY – Gipasakaan na og kasong murder ang usa ka mag-uumang suspek sa brutal nga pagpatay sa usa ka dalaga sa Butuan City human kini nadakpan sa gihimong follow-up operations.
Nadakpan sa mga sakop sa Butuan City Police Station 4, pila ka adlaw human ang kremin, ang suspek nga si Valeriano Timtim, 49-anyos, minyo og silingan lang sa biktimang si Almira Rapesora, 21-anyos, sa Purok 6, Sitio Sinaka, Brgy. Anticala ning siyudad.
Mahinumdumang nanglaba lang sa suba ang biktima og dihang wala na maka-uli, gipangita gilayon kini sa iyang mga kabanay pagkasunod adlaw kondiin napalgan kining patay na sa hilit nga dapit nga gigulgulan na sa li-og og gihiwa pa ang iyang pulso.
Sigon ni station deputy commander P/Sr. Insp. Joel Amado, duna matud pa’y nakakita sa suspek sa mismong adlaw nga nawala ang dalaga kondiin duna kini kinawrasan sa iyang nawong rason nga gipa-ilalom gilayon siya sa pursuit operations. (Beth Ruiz)
