BUTUAN CITY- Malipayong gipa-ambit sa actress-vlogger nga si Alex Gonzaga nga kini mabdus na human ang tulo ka sunod-sunod nga miscarriage, kansa nagtimaan sa pagsugod sa iyang “mommy era.”
Gipahibalo niini ang maayong balita sa social media niadtong Mayo 21, pinaagi sa usa ka video montage nga nagpakita sa iyang baby bump ug emosyonal nga mga higayon niadtong nakuhaan kini uban sa iyang bana nga si Mikee Morada.
Sa iyang caption, giila ni Alex ang ilang unom ka tuig nga kaminyoon ug tulo ka kasakit nga miscarriage, apan wala sila mawad-i sa pagtuo ug pagsalig sa Ginoo. Dugang pa niini, nga samtang nag-andam sila alang sa IVF, gihatagan sila og natural nga pagmabdus.
Nagpasalamat usab kini sa tanang nag-ampo ug nagsuporta kanila, ug nangayo og padayon nga pag-ampo alang sa luwas ug himsog nga pagbuntis hangtod sa pag-abot sa ilang anak. Samtang wala pa usab gipadayag sa aktress kung pila na ka bulan ang iyang tiyan.
