BUTUAN CITY- Gibatikos sa European Union ug NATO ang Russia human sa usa ka drone niini nahagsa sa usa ka apartment block sa Romania, nga nakaangol og duha ka tawo.
Gani walay natalang patay ug napalong ra usab gilayonang sunog. Sumala sa Romanian foreign ministry, nga nahitabo maong insidente samtang naglunsad og pag-atake ang Russia batok sa Ukraine.
Samtang sigon usab ni European Commission President Ursula von der Leyen, nga “ang gubat sa agresyon sa Russia misubay na usab og lain nga linya,” samtang gihulagway ni Romanian President Nicusor Dan ang insidente isip “pinaka seryoso” nga naka-apekto sa teritoryo sa Romania sukad nagsugod ang gubat sa 2022.
Ang Romania, nga kauban sa NATO ug kasikbit sa Ukraine, dili kini unang higayon nga naigo sa drone gikan sa panig sa Russia o Ukraine.
