BUTUAN CITY- Ming-abot pa sa duha ka overtime aron makuha sa San Antonio Spurs ang unang kadaogan sa best of seven Western Conference Finals batok sa Oklahoma City Thunder 122-115.
Mingbandera sa kadaogan sa Spurs si Victor Wembanyama nga nakatala og 41 points ug 24 rebounds.
Mingtala usab og 24 points si rookie player Dylan Harper kinsa minghulip kang De’Aaron Fox human kini na-injured.
Kini ang unang kapildihan sa Thunder karung playoffs.
Sigon ni Spurs coach Mitch Johnson nga nahimong motibo kang Wembanyama ang wala niini pagkapili sa Most Valuable Player nga nakab-ot ni OKC star Shai Gilgeous-Alexander.
Nalimitahan lamang sa 24 points si Gilgeous-Alexander kung asa target sa OKC nga mahimong unang grupo nga mahimong kampeonato na usab sukad nakuha sa Golden State Warriors niadtong 2017 ug 2018.
