BUTUAN CITY – Nagpagawas na og official statement ang Seventh-day Adventist Church sa Northeastern Mindanao Mission nga wala sila’y koneksyon sa negosyo sa Kabus Padatoon kon KAPA Community International Inc.
Sa gipagawas nga official statement nga gipirmahan nila church President Pastor Max Dante Obbus og Executive Sec. Pastor Nimrod Saramosing, nakalatid dinhi nga dili pastor sa ilang simbahan ang founder niining si Joel Apolinario.
Gipagawas ang ilang official statement human ang meeting sa mga miyembro sa ilang Administrative Committee kaganinang buntag lang.
Wala usab sila magtuo nga ang bawtismo sa balaang Espiritu, madawat pinaagi sa paghatag og lwarta nga maoy gipatuo ni Apolinario sa iyang mga miyembro.
Wala usab sila magtuo sa claim niini nga siya ang modernong Moses nga muluwas sa mga tawo gikan sa pagka-ulipon sa kwarta. (Beth Ruiz)
