-- ADVERTISEMENT --
BUTUAN CITY- Nagpadayon ang pagsaka sa gidaghanon sa mga senior citizen sa Pilipinas, sumala sa 2024 Census of Population kon POPCEN, diin miabot na sa 112.33 milyon ang household population sa nasud.
Gipakita sa census nga usa sa matag napulo ka Pilipino karon ang senior citizen o 10.2 porsiyento sa populasyon, mas taas kaysa 8.5 porsiyento nga narekord niadtong 2020, kansa nagpakita sa padayon nga pagkatigulang sa populasyon.
Misaka usab ang median age ngadto sa 27.7 ka tuig, samtang mikunhod ang porsiyento sa mga anaa sa school-age ngadto sa 37.5 porsiyento.
Sa laing bahin, mas daghan gihapon ang mga lalaki kaysa sa babaye sa kinatibuk-ang populasyon, apan sa mga edad 55 anyos pataas, mas daghan na ang kababayen-an kaysa sa kalalakin-an
