BUTUAN CITY – Giklaro ni impeachment court presiding officer Chiz Escudero ngadto sa iyang mga ka-ubanang senator judges nga iyang nasabtan ang ilang mga manifestations dayong butyag nga dili makadikta o makabuot ang korte sa paagi sa duha ka partido, ang prosekusyon ug depensa, kalabot sa pagpresenta sa ilang mga ebidensya ug testigo ilabina ang pagdikta sa ilang estratihiya sa pagpili sa ilang mga saksi.
Kini subay na sa pagtaral kang Atty Rainer de la Fuente, ang ikapitong witness sa defense team kinsa usa ka Certified Public Accountant (CPA), ug eksperto sa Anti-Money Laundering (AML) compliance.
Dungan niini, gi-awhag ni Escudero ang iyang mga ka-ubanan sa impeachment court nga tas-an pa ang ilang pasensya diha sa presentasyon sa counsel for the respondent.
Gilakbitan pa niini ang obserbasyon ni Senator-Judge Imee Marcos nga kinahanglang i-obserba ang simbolo sa hustisya sa nasud nga nagpasabot nga dili maghukom base sa ilang nakita kondili paminawon usab ang testimoniya niini.
Adiser niini, pipila ka dili maayong manifestations ang gihimo sa ubang mga senator-judges nga wala maka-angay sa testimoniya ni Atty de la Fuente.
Pinaka-ulahi niini si Senator-Judge Raffy Tulfo kinsa naghulga pa kang de la Fuente nga mahimo kining ma-contempt tungod sa pagsanong sa iyang pangutana kung nakakompleto ba kini og usa ka kaso samtang anaa sa Anti-Money Laundering Council kon AMLC.












