BUTUAN CITY – Gibarugan ni Senador Alan Peter Cayetano nga nga ang pag-usab sa liderato sa Senado nga gipangunahan sa minority bloc kagahapon, usa ka “illegal coup d’état” tungod kay wala kini naka-abot sa gikinahanglan nga 13 ka boto aron legal nga mapulihan ang Senate President.
Sa iyang video sa social media, gibarugan niini nga siya pa gihapon ang Senate president taliwa sa gihimong revamp sa iyang mga ka-ubanan sa session hall nga maoy dalan nga gipili si Senador Sherwin Gatchalian isip Senate president pro tempore.
Sa iyang Facebook live video, gihulagway ni Cayetano ang nahitabo nga ilegal ug unconstitutional sa rason nga wala’y ground aron makabaton og acting president gawas nga wala siya napahawa sa pwesto dayong kwestyon kung subli na ba usab nga nabasura ang Konstitusyon.
Gipamugos ni Cayetano nga ilegal ang pag-usab sa liderato sa Senado sa rason nga ang present nga mga senador, wala maka-abot sa quorum tungod kay ang majority sa 24 ka mga senador, trese po nga kung naka-abot matud pa sa maong ihap, siya mismo andam nga mupapanumpa kanila.
Dugang ni Senador Cayetano, gusto sa pro-administration senators nga kontrolon ang premises sa Senado ug labaw nga gusto matud pa nilang dili mupahigayon og pagdungog ang Senate Blue Ribbon Committee karong adlawa.
Gi-usa usa pa og basa ni Cayetano ilang Senate Rule kung kanus-a mahimong hulipan ang usa ka Senate President.
