BUTUAN CITY – Pormal nang milingkod isip bag-ong kalihim sa Department of Education kon DepEd si Senador Juan Edgardo ‘Sonny’ Angara kagahapong adlawa, kini human sa gihimong turn-over of command kauban si kanhi DepEd Sec. ug Vice President Sara Duterte.
Sa maong seremonya nga gipahigayon sa DepEd main office sa Pasig City, gipasa sa Vice President ang selyo sa ilang ahensya ug ang bandila ngadto kang Angara, ingon man ang transition report nga mamahimong gamiton sa bag-ong kalihim isip giya kung unsa ang mga lakang nga unahon.
Samtang gisaad ni Angara ngadto kang Duterte nga ipadayon niya ang nasugdan sa besi presidente. Ning nakalabayng adlaw lang, nag pasa na usab sa iyahang resignation si Senador Angara sa Senado, kini alayon na sa bag-o niining tahas isip DEPED Secretary.
Atul sa maong seremonya, gikabutyag sa Bise Presidente nga personal matud pa ang rason kung nganong ning naog kini isip gabinete ni Presidente Marcos.
Karong adlawa usab, motalab na ang resignation ni Bise Presidente Sara Duterte sa nasangpit nga departamento. Pag-angkon ni VP Sara, nagmahay siya nga wala niini matiwas ang daghang mga proyekto sa Departemento adiser kini ning luwat sa pwesto.
Samtang, gisaad usab sa bag-ong Department head nga trabahoon nila kung unsa ang nasugdan na sa pamunoan ni Vice President Sara.
