BUTUAN CITY- Gikomerma sa Department of Migrant Workers kon DMW nga tulo ka tripulanteng Pilipino ang patay tali sa panagbangi sa pwersa sa Russia ug Ukraine sa Black Sea.
Sumala ni DMW Secretary Hans Leo Cacdac, anaa sa kinatibuk-ang 236 ka Pilipino gikan sa 17 ka barko ang apektado sa kagubot sa northern Black Sea.
Gawas sa tulo ka namatay, adunay laeng 15 pa ang angol ug isa ang missing nga tripulante samtang luwas ang nabiling 217.
Anaa sa 89 ka Pilipino na ang na-repatriate sa Pilipinas uban ang siyam sa mga na-angol.
Ang nabiling apektadongg tripulanteng Pilipino anaa sa mga nasud nga Ukraine, Romania, Greece ug Turkey.
Kahinumdumang duha ka simana na ang minglabay sukad gitaho sa DMW nga duha ka Pilipinong seafarers ang patay ug 12 ang angol human sa drone attacks sa Black Sea sa southern Ukraine.
Ang unang namatay, niadtong Hulyo 6 samtang ang ika-duhang biktima namatay niadtong Hulyo 19. Dili pa usab klaro sa pagkakaron kung kanusa namatay ang ika-tulo nga biktimang Filipino seafarer.
Samtang gisiguro usab sa DMW chief nga magpadayon ang repatriation efforts sa gobyerno sa mga Pilipinong na-apektuhan sa kagubot.
