BUTUAN CITY – Nagtoo ang kanhe judge sa Regional Trial Court sa Butuan City nga dili masolbad ang problema sa senado kung dili magpataliwa ang korte suprema.
Sigon ni Judge Emmanuel Escatron, Kanhe Executive Judge nga tungod kay parehong mi-angkon ang duha ka grupo nga sila ang lehitimong nagdumala sa senado, walay laing magdisesyon niini kundi ang supreme court lang.
Apan tungod kay wala pay nag-file ngadto sa korte suprema, gihatagan og pagpasabot ni Escatron ang iyang pag-ila nga ang grupo ni Senador Alan Peter Cayetano ang lehitimong nagdumala sa senado.
Gibasehan niini ang section 10 article 6 sa 1987 constitution diin kinahanglan og majority sa 24 ka miyembro sa senado aron magpili og presidente nga boot pasabot kinahanglan ang 13 aron mahimong majority.
Giklaro usab niini nga dili pwedeng gamiton ang Avelino vs Cuenco nga kaso tungod kay ang gibasehan niini mao ang 1935 constitution nga gihatagan na og pagklaro sa 1987 constitution.
Gawas pa kini sa dili pwedeng e-apply ang maong kaso tungod sa lahi nga sitwasyon diin sa Avelino vs Cuenco, atua sa abroad ang ubang senador samtang sa karun, si Senador Ronald Dela Rosa og Jinggoy Estrada anaa ra sa Pilipinas diin pwede silang mag-request aron makatambong sa sensyon si Estrada.
Gidugang pa ni Escatron nga walay bisa ang gihimong sesyon nila Sotto sa Mayo 2 tungod kay nag-adjourn naman ang session pinaagi sa Senate President Cayetano ug mobalik sa Mayo 4.
Kini ang rason nga supak sa balaod ang pagdeklara og bakante sa mga posisyon sa senado. Pamatood pa niini ang wala nila pag-elect of presidente.
Sigon pa niini nga kung dili lehitimo ang gihimong sesyon nila Cayetano kagahapong adlawa, dapat nagduso na sila og reklamo sa korte suprema apan dili nila kini mabuhat ilabina kay sila ang nangilog sa posisyon.
Gikuwestiyon usab niini ang pagpanig sa presidente sa Pilipinas sa usa ka paksiyon sa senado tungod kay duna may separation of powers ang duha ka institusyon.
Dinhe na klaro ni Escatron nga politika ang hinungdan sa nahitabong kagubot dayung akusa nga nagkatibulaag ang Filipino tungod sa kawalay posisiya sa presidente.
Tungod niini nga kaguliyang, dako ang epekto niini sa katawhan tungod sa wala na natutukan ang serbisyong dapat nga madawat.
Gipanghinaot nalang sa kanhe judge nga walay mahitabong daotan tungod kay ang senaryon karun daw martial law nga wala gideklara tungod sa paglutos sa mga musupak sa kagamhanan.
