BUTUAN CITY- Andam matud pa nga mag-inhibit si Senator Erwin Tulfo isip Blue Ribbon Committee Chairperson sa sunod nga hearing oras nga opisyal nang mamugna ang committee. Pagklaro ni Tulfo nga kinahanglan una nilang magkompleto ang miyembro sa Committee aron makahimo og pormal nga hearing, gani human niini andam matud pa niining i-hatag kang Senator Kiko Pangilinan aron pangunahan ang imbestigasyon sa Blue Ribbon Committee kalabot sa halapad nga korapsyon sa Flood Control Projects sa pangamhanan. Dugang pa sa Senador, posible usab nga adunay Flood Committee kinsa mopukos sa imbestigasyon.
Ang maong pamahayag subay sa nahimong pagsiguro ni Atty. Levito Baligod nga bukas silang motambong uban sa 18 ka nagpa-ilang kanhi bagman ni Kanhi Congressman Zaldy Co sa hearing sa Senate Blue Ribbon Committee kungd ili si Tulfo ang manguna sa maong committee. Sumala ni Baligod, dili mahimong patas ang imbestigasyon kung usa sa mga nahisgtuan sa mga salaysay ang mangulo sa hearing. Matud pa niini, nga kung mo-atubang ang kanhi Bodyguards ug palig-unon ang ilang affidavit, posibleng kwestyonon gilayon ni Tulfo ang ilang kredibilidad ug i-ingong namakak ang mga niini. Gipasabot usab sa maong abogado nga wala sila dayon mingtambong sa Hearing sa kabalaka nga mapasakaan og cited-in Contempt base sa kasamtangang lagda sa Senado.
Samtang sigon usab ni Tulfo nga imbitaron gihapon ang kanhi 18 ka bodyguard sa opisyal nga hearing sa Blue Ribbon Committee higayong ma-kompleto na kini. Gibulgar usab sa Senador ang hinungdan sa wala pagtunga sa ubang gi-imbitar nga kongresista ingon man ang wala pagtunga sa mga kanhi bodyguards.
