BUTUAN CITY- Gibalibaran sa Korte Suprema ang hangyo nga Temporary Restraining Order (TRO) ug status quo ante order kansa nagtumong nga pugson ang Senado ug ang Senate Blue Ribbon Committee nga imintinat ug ipagawas ang mga original nga draft report sa ilang imbestigasyon sa anomalosong flood control mess.
Imibis nga magpagawas og TRO, gimanduan sa Korte Suprema ang Senate Blue Ribbon Committee, nga gipangulohan kaniadto ni Senador Panfilo “Ping” Lacson, ug committee members nga sila Senators Juan Miguel Zubiri, JV Ejercito, ug Sherwin Gatchalian, nga magsumite sa ilang komento o pagklaro sulod sa 15-ka adlaw. Ang mga abogadong sila Eldrige Marvin Aceron, Sikini Labastilla, ug Purificacion Bartolome-Bernabe ang mipasaka sa petisyon nga madamus ug certiorari aron obligahn ang komite nga ipa-gawas ang wala pa-na-edit o tibuok bersyon sa draft partial report.
Apan sigon sa komite, dili pa opisyal ang partial report ug kini giprotektahan sa deliberative process privilege, aron dili maapektuhan o hadlukon ang gawasnong diskusyon sulod sa gobyerno. Sigon sa mga petitioner, dili na posibleng gamiton sa komite ang nasangpit nga pribilehiyo tungod gihisgutan na kini ug gi-publik na ni Senador Lacson ang mga unod sa draft report sa media, lakip ang mga rekomendasyon nga pasakahan og kasong plunder ang pipila ka opisyal.
