BUTUAN CITY – Gipaniguro sa Municipal Police Station sa Magallanes, Agusan del Norte nga pa-imbestigahan ang sabungan nga nag-operate sa ilang lungsod nga wala nagsunod sa gi-require sa National Inter-Agency Task Force ilabina ang mga health protocols.
Kini subay na sa nag-viral nga video diin makita nga wala misunod ang mga sabungero sa mga protocols sama sa social distancing ingon man wala pagsuot og mga facemask.
Sa eksklusibong pakighinabi sa Bombo Radyo Butuan, gipadayag ni PLt Tejane Zarzoso, gipadayag niining ila unang i-verify kung sa ilang lugar nahitabo ang nag-viral nga video nga buwangan dungan sa pag-angkon nga aduna sila’y nakitang mga kalapasan sa gidalikyatan nilang sabungan apan minimal lamang kini.
Sumala sa opisyal, aduna’y pulis nga mag-man sa mga buwangan aron mamintina ang social distancing uban sa mga COVID-19 marshals nga mao usa’y mu-man sa panahong wala’y pulis sa buwangan.
Gipasalig sa opisyal nga dili palabyon ug gilayon nilang aksyunan ang mga reklamong gipadangant kanila uban sa Lokal Task Force against COVID-19.
