BUTUAN CITY – Nagdeklara na ang Uganda nga Ebola-free human nga nagnegatibo na sa maong sakit ang tanang gi-trace ug gi-quarantine.
Nasayrang ang katapusang natalang kaso sa maong nasud mao ang duha ka mga Congolese nga mitabok gikan sa Itori Province sa Easter Democratic Republic of Congo nga nagpositibo sa Ebola ug nagpatambal sa Uganda kondiin ang usa namatay samtang ang laing usa nga nagnegatibo ug padayon pa ang recovery.
Apan nagpahimangno si Ugandan Permanent Health Secretary Diana Atwine nga kanunay’ng anaa ang risgo sa posibleng pagbalik sa sakit bisan pa man sa ilang epektibong mga lakang nga gihimo tungod sa padayong pagpasulod og mga tawo diha sa ilang borders.
Nasayrang regular nga gina-update sa kagamhanan ang ilang mga health protocols apil niini ang pagsuspende sa transport services sama sa mga flights ug ferry services tali sa duha ka nasud gawas lang sa cargo.
