-- ADVERTISEMENT --

BUTUAN CITY- Gilaomang mahimong dakong tabang sa mga mag-uuma ang pormal nga probisyon sa modernong Rice Processing System II kon RPS II sa Talabutab Norte Primary Multipurpose Cooperative.

Sumala sa taho, kapin 11,000 ka mag-uuma gikan sa mapong lugar ug mga silingang dapit ang makapahimulos sa maong proyekto aron mapadali ug mapanindot ang pagproseso sa ilang mga ani.

Gilaomang makunhoran og P2 hangtud P3 matag kilo ang gastos sa produksyon sa tabang sa maong pasilidad, kansa maghatag og dalan sa mga dakong kita alang sa mga mag-uuma.

Gawas niini, dako usab ang matapo niini sa pagpa-ubos sa postharvest losses o pagkalugi human sa ani aron masiguro ang mas taas nga kalidad sa bugas ug lig-on nga panginabuhi-an.