BUTUAN CITY – Opisyal nang nanumpa si Cavite 4th District Rep. Kiko Barzaga isip bag-ong miyembro sa PDP-Laban kagahapong adlawa Abril 29, 2026, sumala sa bulag nga social media posts sa partido ug sa kongresista.
Si Barzaga ang kanhe miyembro sa National Unity Party (NUP).
Sumala sa PDP-Laban, hingpit na siyang nahimong miyembro human makumpleto ang Basic Membership Seminar sa partido.
Ang iyang pagbalhin sa partido nahitabo dungan sa giatubang niyang mga isyu sa Ubos Balaybalaoranan sa Kongreso.
Sigon ni House Deputy Speaker Janette Garin, posibleng mag-atubang si Barzaga sa expulsion tungod sa matud pa kanunay nga pagpakita sa dili maayong batasan ug pakyas nga mahawiran ang papel isip usa ka magbabalaod.
Kasamtangang dunay pipila ka reklamo batuk kanya nga nag-ong-ong sa House ethics panel.
Mahinumdumang nasuspinde si Barzaga og 60 ka adlaw niadtong Disyembre sa nakalabay nga tuig, walay suweldo og benepisyo, tungod sa disorderly behavior mahitungod sa matud pa dili haom nga social media posts.
Niadtong Pebrero usab, gipahamtangan siya og dugang 60 ka adlaw nga suspensyon sa Kamara tungod sa “utter contempt for institutional standards.”
Bisan paman niini gipamugos ni Barzaga na ang mga silot batuk kaniya nagsilbing distraction lang gikan sa mas dakong isyu, partikular ang matud pay anomalya sa flood control projects.
Dugang pa niini, wala siya’y gibasolan sa iyang mga nahimong aksyon ug nagtoo siyang dapat usab nga imbestigahan ang uban pang magbabalaod mahitungod sa isyu.
