BUTUAN CITY – Gireklamo usab sa mga marshals ug drivers sa DATSCO ang wala pa pag-release sa ilang sweldo sa mga semana ning bulan sa Agusto dihang wala pa nag-stop operation ang ilang koop.
Sigon sa marshal nga si Chielou Agus, dapat niadto rang Agusto 20 ang release sa ilang sweldo apan dako na lang ang ilang kadismaya dihang gibutyag matud pa kanila ni chairman Evans Lawenko nga pangitaan pa nila kini og pundo sa rasong gipamayad matud pa nila sa utang ang ila untang sweldo.
Wala matud pa huna-hunaa niini nga duna sila’y pamilyang naglaum sa ilang agi aron duna’y makaon unya daw limung-limungan lang.
Samtang gibutyag usab sa driver nga si Mark Codera nga sa unang payout sa Land Transportation, Franchising and Regulatory Board kon LTFRB-Caraga ngadto sa DATSCO management, wala sila gipahibalo niini hinuon gipa-cash advance lang sila og tag-usa ka libo ka pesos.
Dihang miduol na sila sa LTFRB adiser pa nila nasayrang mibayad na diay ang maong ahensya sa ‘Libreng Sakay’ program nga gi-apilan sa DATSCO apan wala sila hatagi sa rasong gibayad matud pa kini sa utang.
Tungod sa ilang pagsumbong didto na gidungan paghatag ang ilang sweldo sa ikaduha nang payout.
