-- ADVERTISEMENT --
BUTUAN CITY – Padayong gi-isa sa red tide alert sa tanang klase sa shell fish sama sa tahong, si-si apil na ang uyap gikan sa baybayon sa Anda ug Bolinao sa Pangasinan tungod sa na-monitor nga red tide toxins.
Sigon ni Atty Girly de la Peña, regional director sa Bureau of Fisheries and Aquatic Resources kon BFAR-Region 1, regular ang ilang pakig-alayon sa mga local government units kon LGUs ug sa mga agriculture officers sa maong lalawigan aron masigurong mabantayan ug dili na kini mabaligya sa merkado sa bisan asang lungsod sa maong rehiyon.
Gimanduan usab nila ang mga market inspectors ug administrators sa kalungsuran nga kuti-kutihon ang gigikanan sa gipamaligya sa mga lamang dagat.
