BUTUAN CITY – Miulbo ang giyera kagahapon tali sa rebelding New People’s Army kon NPA ug militar sa Surigao City kasunod sa pagbawi sa unilateral ceasefire sa duha ka panig.
Nahitabo ang 15 minutos nga engkuwentro sa may Barangay Mat-i, Surigao City diin dunay natalang samaran matud pa sa panig sa rebelde sa ilalom sa kadumalahan ni Ka Lucas.
Kung mahinumduman, niadtong Enero 29, gidagit sa NPA si Private First Class Erwin Salan sa Barangay Budlingin, Alegria, Surigao del Norte ug sa maong adlaw usab gi-atake sa rebelde ang mga sundalong naghimu ug peace and development outreach program sa Barangay Mat-i diin 4 ka sundalo ang samaran.
Human sa pagbawi ni Pangulong Rodrigo Duterte sa hunong pinusilay ngadto sa NPA, gibalik na ang opensiba sa kasundaluhan batuk sa rebelding grupo.
