BUTUAN CITY- Hugot nga gilimod ni Atty. Manases Carpio bana ni Vice President Sara Duterte ang kapin P6 Billion nga transaction sa mga banko. Sumala mismo sa iyang abogado nga si Atty. Peter Paul Danao nga nakihinabi mismo si Atty. Manases Carpio ug gipanghimakak nalang ang maong impormasyon.
Gipa-ambit ni Atty. Danao nga ang Anti-Money Laundering Council kon AMLAC wala man lang minghatag og kopya sa mga transaksyon nga ilang gipakita o gipulic sa gihimong hearing sa House Justice Committee, busa tungod niini gi-angkon sa maong abogado nga dili nila masiguro ang mga tubag kalabot sa maong kantidad sa mga transaksyon.
Kahinumduan, gibulgar mismo sa Anti-Money Laundering Council sa natigayong hearing sa House Justice Committee sa Impeachment batok sa Bise Presidente kalabot sa kapin P6 Billion nga suspecious ug covered transaction kansa konektado kang Carpio ug kang VP Sara. P4.525 Billion ang mingsulod sa ilang accounts, P1.554 Billion ang minggawas samtang P791 Million usab ang dili masuta kung In-flow o Out-flow apan, gi-ila kini sa ilang kampo isip black propaganda ug political harassment kansa tumong nga gub-on ang reputasyon ni Vice President Sara Duterte ug sa iyang pamilya.
Gibutyag ni Attty. Paul Danao nga kinahanglang hatagan sila og kopya sa mga gi-ingong transaction adiser maghatag og clarification ang ilang kampo.
Gipasiugda usab sa maong abogado, nga ang pagdisclosure sa transaction o bank records sa magti-ayong Duterte-Carpio, klarong pagsupak matud pa sa balaod.
