-- ADVERTISEMENT --
BUTUAN CITY – Gibana-banang mukabat sa ₱50,000.00 ang natalang damyos human nalatayan og kalayo ang usa ka bajaj kon bao-bao kagahapon sa alas-onse sa buntag sa may Barangay Camagong, Nasipit, Agusan del Norte.
Sumala ni Fire Officer 2 Sherwin Dahan, ang likod nga bahin lamang sa bajaj ang nalatayan sa kalayo human napasiritan gilayon nila og tubig sa mga tawong anaa sa palibot.
Kahibaloang gikan pa naghatud og pasahero sa Barangay Ata-atahon ang maong sakyanan sa susamang lungsod.
Pahimangno usab sa maong opisyal, kinahanglang manawag gilayon sa bombero ang publiko ugaling makakita og ingon niini nga panghitabo ug dili una mag live sa social media.
