BUTUAN CITY- Gihatagan og katin-awan sa Regional Alternative Care Office kon RACCO-13 ang husto ug ligal nga adaptation sa mga bata ug mipasidaan batok sa ilegal nga kasabotan sa pag-ampon ug nag-awhag sa pagsunod sa legal nga proseso.
Sumala ni Mary Jane Romulo personahe sa National Authority for Child Care RACCO-13, nga ang adaptation sa Pilipinas adunay consideration sa pamilya, ang unang prayoridad sa gobyerno sa pag-atiman sa mga bata, busa ang pag-adopt mao lamang ang katapusang kapilian kon wala nay laing angay nga kapuy-an sa usa ka bata. Apan pagklaro pa niini, nga bisan paman paryente ang gustong mo-ampon kinahanglan gihapon kining moagi sa assessment ubos sa relative adoption aron masiguro nga ang pag-ampon alang sa kaayohan sa bata ug magpabilin kini sulod sa iyang bloodline.
Gisaway usab sa RACCO-13 ang kasagarang “pagsabot-sabot” sa mga ginikanan ug potensyal nga mo-ampon bisan wala pa matawo ang bata, kansa ilang gihulagway nga ilegal ubos sa balaod. Gihangyo usab ni Romulo ang publiko nga ireport gilayon sa City o Municipal Social Welfare Office ang mga susamang kaso aron masiguro ang hustong proseso ug proteksyon sa katungod sa bata.
Dugang pa, gipahibalo usab ni Chuchie Leopoldo sa RACCO 13, nga pinaagi sa Republic Act 11642, mas napaspasan na ang proseso sa adoption diin ang petisyon mahimong maaprobahan sulod sa 6 hangtod 9 ka bulan kung kompleto ug paspas ang pagsumite sa mga kinahanglanong dokumento sa adoptive parents, kumpara sa karaang sistema nga moabot og lima ngadto sa pito ka tuig pinaagi sa korte.
