BUTUAN CITY – La-umang musaka na usab ang presyo sa mga tambal ug mga healthcare services tungod sa pagsaka sa presyo sa mga produktong petrolyo.
Sigon ni public health expert Dr Tony Leachon, ang pagtaas sa presyo sa mga produktong petrolyo duna’y direktang epekto sa kantidad sa mga tambal.
Ang pipila matud pa ka mga tambal sama sa gigamit sa mga kaso sa kanser ug uban pang mga specialized drugs, gina-angkat pa gikan sa laing nasud.
Tungod kay mitaas usab ang balor sa dolyar kontra piso, sigurado matud pang mu-reflect ang pagsaka sa presyo usab sa mga tambal ilabina kadtong mga imported kansa maghatag og dugang palas-anon sa mga pasyente.
Gawas sa mga tambal, sigurado usab nga mutaas ang bayrunon sa mga healthcare services ug laboratory ilabina sa mga pribadong ospital kansa siguradong magpalisod og samot sa mga pasyenteng ordinaryo lang ang panginabuhian.
Kini nga insidente posibleng mag-aghat pa sa mga healthcare professionals nga mugawas sa nasud ilabina sa mga adunahang nasud sa Asya, Urupa ug Amerika nga duna’y taas nga demand kanila.
