Presyo sa school supplies mas ubos karung tuiga- DTI

BUTUAN CITY- Nakita sa Department of Trade and Industry kon DTI nga mas ubos ang presyo sa mga school supplies karung tuiga kumpara sa miaging tuig. 

Sumala ni DTI Secretary Maria Cristina Roque, nga usa sa mga nakita nilang hinungdan mao ang daghang mga namaligya og school supplies sa mga tindahan. 

Dugang pa niini nga daghan silay mga naestorya nga mga negosyante ug gi-angkon sa mga niini nga ming-ubos ang presyo tungod sa daghan og supply karun.

Aduna usab matud pay gihatag ang DTI nga mga price guide apan nagpabiling mas ubos ang presyo nila kumpara sa price guide.

Gisiguro usab sa Secretary nga magpadayon ang ilang gihimong monitoring sa mga namaligya og school supplies aron masiguro nga mosunod ang mga niini sa gitakdang price guides.