BUTUAN CITY – Nag-rollback na ning adlawa ang presyo sa mga petroleum products rason nga makaginhawa og dyutay karon ang mga motorista gikan sa sunod-sunod nga pagsaka sa presyo niini ning nakalabay nga mga semana.
Ang Chevron Philippines Inc. (Caltex), Petron Corp., Pilipinas Shell Petroleum Corp. ug Seaoil Philippines Corp., nag-rollback og 70-sentabos sa akada-litro sa ilang gasolina ug susamang kantidad usab sa kada-litro sa diesel samtang 85-sentabos usab sa kerosene.
Samtang ang Cleanfuel, Petro Gazz, Phoenix Petroleum Philippines Inc., ug Unioil Petroleum Philippines Inc., nagpatuman usab sa susamang rollback gawas lang sa kerosene.
Mi-epekto kini ning alas-sais lang sa buntag sa tanang mga oil firms gawas lang sa Caltex ug Cleanfuel nga nagsugod kaganinang alas-12:01 sa tungang gabii.
