-- ADVERTISEMENT --
BUTUAN CITY- Lauman na usab ang dakong pagsaka sa presyo sa mga produktong petrolyo sunod semana, human sa rollback karong semanaha, base sa Mean of Platts Singapore o MOPS ug foreign exchange averages sa milabay nga lima ka adlaw.
Sumala sa pagbana-bana, posibleng mosaka og P4.00 hangtod P4.50 kada litro ang diesel, samtang P2.50 hangtod P3.00 kada litro ang gasolina.
Ang maong pagsaka sa presyo resulta sa padayon nga kakulang sa suplay sa diesel ug ang bag-ong kagubot sa Middle East nga nagpataas sa global gasoline benchmarks.
Matag Lunes, ipahibalo sa mga kompanya sa lana ang ilang opisyal nga price adjustment nga ipatuman usab sa Martes.
