BUTUAN CITY – Maghatag og P3,000,000.00 nga reward ang House of Representatives (HOR) kang Carlos Yulo tungod sa nasakmit niining gold medal sa 2024 Paris Olympics.
Kini ang kinumpirma ni House Committee on Appropriations Chairman ug Ako Bicol Partylist Rep. Elizaldy Co.
” In recognition of his historic accomplishment, the House of Representatives is honored to award Carlos Yulo P3,000,000. This reward reflects our support for his continued success and our commitment to fostering Filipino talent on the international stage.”
- – Rep Elizaldy Co –
Sigon sa kongresista, gipakita ni Yulo ang iyang dedikasyon, resilience ug hard work aron mahatagan og dungog ang atong nasud ug gipakita pa niini nga kaya sa mga Pinoy nga makigdungan sa ubang mga nasud.
Nasayrang si Yulo ang pinaka-unang Filipino gymnast nga nakasakmit og gold medal sa men’s floor exercise sa 2024 Paris Olympics nga gipahigayon sa Bercy Arena ingon man unang medalist sa kampanya sa Pilipinas sa Paris, ug ikaduhang gold medalist sa nasud sunold kang weightlifter Hidilyn Diaz alang sa weightlifting sa 2020 Tokyo Olympics.
Duna pa usa’y laing tsansa sa gold medal si Yulo higayong mudaog siya sa vault finals unyang gabii.
