BUTUAN CITY – Ubay-ubay nga mga pasidungog ang nahakot ni Christine Demisana Librada gikan sa Lipa City, Batangas human mitapos nga valedictorian sa Philippine Military Academy “Talang Dangal” Class of 2026 kagahapon.
Nasayrang tungod sa iyang kugi ug determinasyon, apil sa pinakataas nga pasidungog sa akademya nga iyang nadaweat ang Presidential Saber, Joint United States Military Assistance Group (JUSMAG) Saber, ug ang Australian Defence Best Overall Performance Award.
Sa iyang mensahe, gibutyag ni Librada nga gawas sa brick gate, posibleng dili kanunay makita ang mga patakaran apan ang dungog, kinahanglang magpabilin.
Kinahanglan matud pa mga matinud-anon sila sa ilang taras ug mulambo aron mahimong mga lider nga duna’y dungog.
Gipasigarbo sa iyang mga kababayan sa Batangas ang kalampusan ni Librada isip modelo sa dedikasyon, disiplina, ug tinuod nga pagserbisyo sa nasud .
