BUTUAN CITY – Girespeto sa Malacañang ang desisyon sa House Committee on Justice nga nagdeklara nga sufficient in form, ang duha ka impeachment complaints batok kang Pangulong Ferdinand “Bongbong” Marcos Jr.
Sumala ni Palace Press Officer USec. Claire Castro, kabahin kini sa proseso nga angay respetohon apan kumpiyansa ang Pangulo nga dili mahimong sufficient in substance ang mga reklamo tungod kay wala siya nakalapas sa balaod o nakahimo og impeachable offense.
Gipadayag usab ni Castro nga kung nabalaka ang Pangulo, dili kini alang sa iyang kaugalingon kondili sa mahimong ihatud niini nga epekto sa ekonomiya.
Gitawag usab sa Palasyo nga irrelevant ang pamahayag sa Makabayan bloc nga si Pangulong Marcos mao ang “biggest fish’ sa organized plunder.”
Matod pa ni Castro, sayon ra ang pagsulti sa atubangan sa media apan ang lisod ang pagpamatuod sa maong mga pasangil.
