BUTUAN CITY – Gi-andam na ang patong-patong nga kasong ipasaka batuk sa suspetsado nga aktong nasakpang gi-molestiya ang duha ka lalaking minor-de-edad samtang naka-live sa camera.
Kini human ang entrapment and rescue operation sa Intelligence ug WCPD personnel sa Surigao City Police Station sa pagpanguna sa Police Supt. Diomedes Cuadra Jr sa nakalabay nga adlaw sa usa ka boarding house sa Borromeo Street sakop sa Barangay Taft, Surigao City.
Nasikop ang suspek nga si Wengelito M. Adino nga naila usab nga Dondon ug Joker, 32-anyos, olitawo og nitibong taga Brgy. Canlanipa, Surigao City.
Aktong nasakpan ang suspek samtang gi-molestita samtang naka-live sa camera ang duha ka minor-de-edad nga lalaki nga parehong estudyante sa usa ka elementaryang tunghaan sa Surigao City.
Lakip sa atubangong kaso sa suspetsado ang pagsupak sa R.A. 10364, Child Pornography, ug child abuse. Ang suspetsado apil na ang nakumpiskang ebidensiya sa pornography ang gidala sa Surigao City Police Station alang sa tukmang disposasyon.
