BUTUAN CITY – Nagpasidaan ang Partido Demokratiko Pilipino–Lakas ng Bayan kon PDP Laban batuk sa mga politikong musuporta sa impeachment case ni Vice President Sara Duterte.
Sumala sa partido, dili niini dawaton sa ilang party ang mga magbabalaod nga mobotar pabor sa impeachment sa bise presidente.
I-blacklist matud pa ang mga niini og dili tugutang modagan sa ilalom sa PDP sa mga musunod nga piniliay.
Posible usab nga maglatag og katungod nga kandidato batuk kanila.
Gipamugos sa PDP Laban nga dili kini pagbahad kundi parte sa gitawag nilang “political accountability” mahitungod sa matud pa politically driven impeachment batuk kang Sara Duterte.
Samtang ang Chairman sa PDP Laban nga si Davao City Mayor Baste Duterte dunay mensahe ngadto sa mga kongresista atol sa paglusad sa Reform Alliance for Good Governance and Accountability kon RAGE Coalition sa San Juan City.
Sumala pa niini nga nasabtan niya nga na-ipit sila sa gihimo karun sa administrasyon apan bisan og dawaton matud pa nila ang kwarta bugti sa pagpabor sa impeachment, dili gihapon mausab ang kahimtang sa katawhan.
Kini dayung hagit nga bisan kausa lang mobarug sila sa ilang prinsipyo pinaagi sa pagpaminaw sa unsay gusto sa mga tawo nga ilang gi-representahan.
Nakatakdang dalhon sa plenaryo sa Kamara de Representantes ang impeachment report para botohan diin kinahanglan og 106 ka boto adiser kini mapalabang sa Senado nga magsilbing impeachment court.
