BUTUAN CITY- Minghatag og mensahe si President Ferdinand Marcos Jr. sa mga kabataan, estudyante, ug mga ginikanan human ang magkasunod nga trahedyang nahitabo sa pipila ka tunghaan sa nasud.
Nanawagan ang Presidente og kolektibong aksiyon aron maprotektahan ang mga kabataan batok sa kapintasan, pagpabaya, ug uban pang mga peligro. Sumala pa niini, ang tunghaan kinahanglang mahimong lugar sa pa pagkamatinud-anon, pagmugna og damgo, ug pagpalambo, dili lugar sa kabalaka sa mga ginikanan alang sa kaluwasan sa ilang mga anak. Gimanduan usab ni Pangulong Marcos ang mga ahensya sa edukasyon, kapulisan, panglawas, ug mga lokal nga pangamhanan nga dugangan pa ang mga lakang alang sa kaluwasan sa mga estudyante sa tibuok nasud.
Samtang, gi-awhag usab sa punong ehekutibo ang mga ginikanan nga maggahin og oras, atensyon, ug pagsabot sa ilang mga anak tungod dinhi magsugod ang tinuod nga proteksyon.
Gihaytagan usab og ginbug-aton sa Presidente ang pagpangayo og tabang, dili timaan sa kahuyang.
