BUTUAN CITY – Nakatala na usab og 56 ka mga bag-ong kaso sa COVID-19 ang Caraga region.
Base sa record sa Department of Health kon DOH-Caraga, 55-porsiento sa maong ihap ang mg lalaki samtang 45-porsiento ang mga lalaki.
Sa maong ihap, pinakadaghan sa dakbayan sa Butuan nga mi-abot sa 30 samtang upat niini nga taga-Agusan del Norte nga nabahin sa mga lungsod sa Nasipit nga duna’y duha samtang tag-isa sa Buenavista ug RTR; duha usab sa lalawigan sa Agusan del Sur nga nabahin sa mga lungsod sa Rosario ug San Francisco.
Usa usab ang natala sa San Jose, Dinagat Islands province; unom sa Cabadbaran City; usa sa Surigao City; 3 sa Tandag City, 9 sa Bislig City nga nabahin sa tulo ka mga kasong natala sa Brgy. Mangagoy ug Tabon nga duna’y tag-tulo samtang tag-usa usab sa Brgy. Comawas; Lawigan ug San Isidro.
Tungod niini, mi-abot na sa 1.049 ang cumulative COVID-19 confirmed cases sa Caraga Region samtang 582 na ang nakarekober; 434 pa ang pabiling aktibo ug 33 na ang patay human nadugangan og bag-ong upat nga gikan sa Butuan ang duha samtang gikan usab sa Bislig City ang laing duha.
