BUTUAN CITY – Mitala na usab og 46 ka mga bag-ong kaso sa COVID-19 ang Caraga Region samtang duha ang patay, base na sa gipagawas nga situational report sa Department of Health-Center for Health and Development kon DOH-CHD Caraga ning buntaga lang.
Sa maong ihap, pinakadaghan ang natala sa Bislig City nga mi-abot sa 22 kansa nabahin sa Brgy. Mangagoy nga mi-abot sa 12; Brgy. Comawas-4; Brgy. Poblacion-3 samtang tag-usa sa Brgy. Kahayag, Tabon ug Tumanan.
Sunod ang Butuan City nga mitala og 20 ka mga kaso kansa nabahin sa Brgy. Libertad-4; tag-duha sa Brgy. Tiniwisan ug Villa Kananga ug tag-usa usab sa Brgy. Agao, Ambago, Ampayon, Baan Km. 3, Baan Riverside, Dagohoy, Doongan, Holy Redeemer, Limaha, Pinamanculan, San Ignacio ug San Vicente.
Upat usab ang natala sa Tandag City lalawigan sa Surigao del Sur.
Sa 46 nga bag-ong mga kaso, 42 ang na-classify nga mga local transmission kondiin 21 ang mga bag-ong local transmission; samtang tag-duha usab ang duna’y travel history sa lugar nga duna’y local transmission ug duna’y close contact sa mga kanhi COVID-19 positives.
44 sa maong ihap ang gi-quarantine na, gi-monitor ug gi-manage sa nagkada-iyang quarantine facilities ning rehiyon samtang duha usab ang patay ng gilangkuban sa us ka 62-anyos nga lalaking taga-Butuan kinsa diabetic, balik-balik ang hilanat, gi-ubo ug naglisod pagginhawa niadtong Septembre 18 rason ng gidala sa ospital sa Septembre 21 apan gideklarang dead on arrival.
Samtang ang ikaduhang namatay mao ang 75-anyos nga lalaking taga-Bislig City, Surigao del Sur kinsa gihilantan lang, gi-ubo, ug nakasinati og pagsakit sa dughan niadtong Septembre 14 rason ng gidala sa ospital sa Septembre 17 apan gideklara usab nga dead-on-arrival.
