BUTUAN CITY- Hingpit na nga nasikop ang dugay rang gipangita sa balaod kaganina sa alas 5 sa sayong buntag ang suspetsado nga nailang si Renalyn Gomez Tejero, 25 anyos, single ug residente sa P6, Brgy. Diatagon, Lianga, Surigao del Sur kansa usa ka paralegal ng Karapatan CARAGA ug ALCADEV alumna ingon man usa usab ka Secretary sa Kabataang Makabayan (MK)-NEMRC; Spokesperson, SCMP Caraga ug PCPR Youth Caraga, staff sa KASALO ug Staff Karapatan-Caraga, member sa KT/KH Regional United Front RWAC, kansa nasikop didto sa Lawesbra, Brgy. Lapasan, Cagayan de Oro City.
Kini human ang gihimong joint operation sa Regional Intelligence Division-13 (lead unit), Regional Intellegence Unit-13, CIU-BCPO ug AFP Team ISAFP; 402 Brigade, 4Ist Division PA; 23rd IB, sa pakigkoordinar sa Regional Intellengence Division- 10 ug Police Station 3 Agora pinaagi usab sa pag serve sa warrant of arrest alang sa murder uban sa criminal case No. 2020-85 nga walay pyansang girekomenda ug Multiple Attempted Murder nga dunay Criminal Case No.2020-116 nga dunay pyansang girekomenda nga Php120,000.
Sa eksklusibong pakighinabi sa Bombo Radyo Butuan kang P/Maj Evans Vinyas ang spokesperson sa Cagayan de Oro City Police Office gibutyag niini nga dugay-dugay na matud pa nga panahon nga mipuyo ang maong suspetsado sa nasangpit nga lugar base na usab sa ilang source kansa mao ang nagtul-tol kanila nga matud-an kini human nga nakompleto ang saktong impormasyon sa nasangpit nga dinakpan.
Sa kasamtangan ang dinakpan anaa na sa custodiya sa Regional Intellegence Division 13 ning rehiyon sa Carga alang sa tukmang disposasyon.
