-- ADVERTISEMENT --
BUTUAN CITY – Hugot nga seguridad ang gipatuman karon sa lalawigan sa Surigao del Sur alang sa gikatakdang pag-abot ni Pangulong Rodrigo Duterte karong mga orasa.
Sigon ni Marjorie Pagaran, chief of staff ni Gov. Alexander ‘Ayek’ Pimente, personal nga susihon sa pangulo ang mga lugar nga apektado kaayo sa pagkuso-kuso sa bagyong Auring ilabina sa mga lungsod ug mga siyudad nga grabeng nabahaan sama sa Marihatag, San Miguel ug Tandag City kondiin lapas sa tawo ang level sa tubig-baha.
Una nang nangabot ang mga cabinet members sa pangulo nga maoy mag-briefing kalabot sa mga damyos nga gibilin sa bagyo ug ang immediate response nga gihimo sa mga hingtungdang ahensya sa gobyerno alang sa mga biktima sa baha.
