BUTUAN CITY – Milarga na ning adlawa ang pamilya ni Rene Baterbonia, ang basketbolista nga taga-Agusan Del Sur apan nagdula sa davao region sa Palarong Pambansa og nahimong miyembro sa Ateneo De Manila University og nalumos patay kagahapong adlawa didto sa Aurora.
Kini ang nahimong pagkumpirma ni Governor Santiago Cane Jr sa iyang social media post.
Sumala pa niini nga naka-estorya na niya ang ginikanan sa maong basketbolista pinaagi usab ni SP JING Masendo ug Mayor Pauline Masendo.
Gihikay na matud pa ang tanan sama sa tickets, hotel, og transportation nila didto sa Manila.
Gipakalma pa niini ang tanan pinaagi sa pagseguro nga motabang sila sa pamilya aron maplastar ang patay’ng lawas niini adiser mohimoog makuting imbestigasyon sa kamatayon sa maong basketbolista ugaling walay saktong explanation ang kadumalahan sa Ateneo kung unsa gyod ang tinuod nga hinungdan nganong nahitabo ang pagkamatay sa duha nila ka recruits atol sa gihimo nga “team building” matud pa.
Makita usab sa video ang ilang panag-estorya diin mabati gayud ang grabe nga emosyon sa inahan sa maong basketbolista.
