BUTUAN CITY- Suportado sa kadumalahan sa Police Regional Office kon PRO13 ang pagtudlo ni Pangulong Rodrigo Duterte kang Lt.Gen. Dionardo Carlos isip sunod nga PNP Chief hulip kang outgoing PNP Chief Gen. Guillermo Eleazar.
Sa pakighinabi ning sibyahan gipadayag ni Pol Major Dorothy Tumulak information officer sa PRO 13, nga “fully support” sila ug looking forward unya alang sa mga programa sa han-ay ingon man sa peace and order sa mosunod nga PNP Chief.
Sumala ni PolMaj Tumulak dili basta-basta ang nagiang training sa umaabot nga hepe sa nasudnong kapulisan, tungod kay daghan matod pa ang kahibalo niini diha sa pagdumala sa kapulisan hantod sa pagpatuman sa mga polisiya o balaod.
Pagpamatuod na matod pa niini ang pagtudlo kaniya nga provincial director sa PRO 8, director sa lahi-lahing departamento sa PNP , kanhi information officer sa lahi-hing departamento labi na sa National Capital Region Police Office (NCRPO) ug uban ingon man eksperto sa daghang butang.
Malaumon si Tumulak nga mas mapakusog pa unya ang mga programa sa PRO 13 labi sa pagbatok sa insurhensiya, kriminalidad labi na sa illegal nga druga.
Una nang gitimbaya ni outgoing PNP Chief Eleazar si Carlos sa iyang promosyon dungan sa paghanyag sa iyang bisan unsang matabang isip kanhi hepe sa PNP.
Si Eleazar mukanaog sa pwesto karong Biyernes, Nobyembre 12, usa ka adlaw nga mas-sayo sa iyang mandatory retirement sa Sabado pag-abot sa iyang ika-56 nga adlawng natawhan.
