BUTUAN CITY – Padayong karung giila ang suspetsado nga miluba-patay sa kainom niini kagahapon sa alas 4:00 sa hapon atol sa kapistahan ni Sr. San Roque sa may Purok-4, Barangay Taligaman, Butuan City.
Giila ni Police Senior Inspector Roland Orculio, Hepe sa Butuan City Police Station-4 ang biktimang si Jaberina Antipala, 37-anyos, dunay kapuyo ug residente sa maong dapit.
Base sa inisyal nilang pakisusi, unang gihapak sa biktima ug baso ang ka-inom nga si Reynante Labastilla hinungdan sa natigayong kagubot.
Dinhe na giluba ang biktima sa kauban ra usab nila nga ka-inom og paryente sa gibunalan ug baso.
Daling gidala ang biktima sa ospital apan nakabsan kini sa iyang hinulamang kinabuhi tungod sa nahiagum nga nilubaan sa lawas.
Padayon pa usab karun ang ilang imbestigasyon sa maong panghitabo ilabina kay kagahapong adlawa, daghang mga hubog og walay klarong motug-an sa pangalan sa suspek. (Rolan Janea)
