BUTUAN CITY – Misaka sa 11.4% year-on-year ang pagpahulam sa mga universal ug commercial banks niadtong Abril, kumpara sa 10.7% niadtong Marso, sumala sa Bangko Sentral ng Pilipinas.
Human ma-adjust alang sa seasonal fluctuations, mitubo og 1.1% month-on-month ang outstanding loans, nga nagpakita sa gilaom nga lig-on nga panginahanglan sa pagpangutang gikan sa mga negosyo ug mga panimalay sa ikaduhang quarter sa 2026.
Misaka usab og 11.8 % ang outstanding loans ngadto sa mga residente niadtong Abril gikan sa 11.1 %niadtong Marso, nga naglangkob sa dakong bahin sa kinatibuk-ang pautang.
Samtang, gamay ra nga porsiyento sa mga pautang ang napadulong sa mga dili residente.
Alang sa mga kalihokan sa negosyo, mitaas og 10.7% ang lending, mas taas kaysa 9.7 % nga natala niadtong Marso.
Dako ang pagsaka sa pagpahulam sa pipila ka importanteng industriya sama sa real estate activities (8.1%), electricity, gas, steam, ug air-conditioning supply (25.8%), wholesale ug retail trade apil ang repair sa motor vehicles ug motorcycles (11.8%), manufacturing (1.0%), ug financial at insurance activities (6.7%).
Sa consumer loans, misaka og 19.6% ang pautang ngadto sa mga residente, apan medyo hinay kini kumpara sa 20.5% sa miaging bulan, nga nagpakita sa paghinay sa pagtubo sa credit card ug motor vehicle loans.
Padayon nga gibantayan sa Bangko Sentral ng Pilipinas ang dagan sa bank lending tungod kay usa kini sa mga nag-unang agianan sa monetary policy, nga adunay direktang epekto sa ekonomiya ug sa abilidad sa mga negosyo ug ordinaryong mga tawo nga makakuha og pondo.
