BUTUAN CITY- Gitun-an karon sa probinsyal nga pang-gamhanan sa Agusan del Sur ang posibleng pagpailalom sa probinsya sa Modified Enhanced Community Quarantine (MECQ) tungod sa sunod-sunod nga taas nga ihap sa mga nataptan sa COVID-19 nga mga adlaw.
Sa pakighinabi sa Bombo Radyo Butuan gibutyag ni Agusan del Sur Governor Santiago Cane Jr., nga tungod sa taas nga ihap sa ma nataptan sa virus nga miresulta sa halos pagka-puno na sa mga ospital ug quanrantine facility sa probinsya kansa nakamugna na usab kini og kabala hinugndang mihangyo na ang provincial health office nga kung mamahimo ibalik sa mas hugot nga quarantine status ang probinsya aron mapugngan ang pagsaka pa sa mga inbibidwal nga mataptan ug matabangana ng mga ospital.
Giklaro ni Gov. Cane nga magdepende pa usab kini ang pagpatuman sa MECQ sa probinsya sa mamahimong masabutan sa mayor sa probinsya ug ubang meimbro sa provincial task force bahin sa maong hisgutanan sa himuon nilang panagtagbo ugmang adlawa sanglit daghan ang mamahimog ibalanse adiser niini.
Dugang sa gobernador, usa lamang ang quarantine status sa probinsya sa agenda sa himuon nilang panagtagbo sa Lunes.
Gipadayag usab ni governor nga Cane nga nagkabata ang mga indibidwal nga nataptan sa COVID-19 sa probinsya butang nga maka-alarma gayod matod sangit anaa na sulod sa pamilya ang mga natalang kaso sa sakit.
Sa karon, miabot sa 3,165 ang kinatibuk-ang kumpirmadong nataptan sa covid-19 sa Agusan del Sur diin sa maong ihap 2,278 ang nakarekober , 808 ang aktibong kaso ug 79 na ang namatay.
