BUTUAN CITY – Wala pa’y lead ang kapulisan sa Butuan City Police Office kon BCPS-1 sa responsable ingon man motibo sa pagpamusil ning mi-aging alas 9:20 sa gabii sa may Purok-3, Bingkilan, Barangay San Vicente ning siyudad sa Butuan diin duha ang patay, usa ang kritikal ug laing 3 ang samaron.
Sigon ni P/Insp. Augustin Navarro, hepe sa Butuan City Police Station-1, padayon ang ilang pagpanguha og mga impormasyon aron masuta ang motibo ug responsable sa pagpamusil sa mga trabahante sa usa ka saw mill.
Naila ang dead on arrival sa ospital nga si Lemuel Amao Batoon, 21-anyos, taga Purok 1, Brgy. Bading ning dakbayan kinsa na-igo sa walang dughan ug sa tuong kamot samtang nakabsan usab sa kinabuhi si Patches Sumile Lanugan, 29-anyos nga taga Sta. Ana, Tubay, Agusan Del Norte kinsa naigo sa tuong dughan usab, paa ug bukton, samtang nagpabilin sa balay tambalanan sa Butuan Medical Center si Albert Lutay Pahelangco, 22-anyos nga taga P-3, Barangay 9, Buenavista, Agusan del Norte nga na-igo sa likod ug nilapos sa tiyan.
Nakagawas na usab sa ospital sila Virgil Salisina Morata, 31-anyos nga na-igo sa tiil ug kamot, Fren ian Lou Calo, 29-anyos kansa na-igo sa walang kamot ug Bernabe Durango 30-anyos nga na-igo sa tiil ug parehong mga residente sa P-1, Bingkilan, San Vicente.
Pagbutyag pa sa Hepe, nagkasabot matud pa ang mga biktima nga mag-inom sa usa ka tindahan dihang kalit nga miabot ang usa ka lalaki ug namusil ngadto kanila.
Lakip nga gisusi sa opisyal ang rekord sa mga biktima kung na-apil ba kini sa ilang drugs watch list. Narekober usab sa crime ang scene ang mga basiyo sa bala sa kalibre 45 nga pistola. (Rolan Janea)
