BUTUAN CITY – Usa ka bag-ong kaso sa Hantavirus, usa ka talagsaon nga sakit nga sama sa trangkaso ug nalambigit sa hugaw sa ilaga, ang nadiskubrehan sa Switzerland ug konektado kini sa cruise ship nga MV Hondius.
Nadiskubrehan kini human mitubag sa usa ka email ang usa ka lalaki, nga wala hinganli, gikan sa operator sa barko nga nagpahibalo sa mga pasahero bahin sa outbreak.
Sumala sa World Health Organization, miadto ang lalaki sa ospital sa Zurich diin nakit-an sa mga doktor ang virus, ug karon gitambalan na siya.
Gipahimangno usab sa World Health Organization nga ang strain sa Hantavirus nga nalambigit sa cruise ship mao ang Andes hantavirus, nga gikan sa South America ug mahimong mutakod gikan sa tawo ngadto sa tawo.
Sigon ang World Health Organization, nakigtambayayong na sila sa may mga internatinal health experts aron mailhan ang mga tawo nga posibleng na-expose sa virus ug aron mapugngan ang dugang pang pagkaylap sa sakit.
