BUTUAN CITY – Gikalipay ni PLCol. Christian Rafols, station commander sa Surigao City Police Station, ang pagkasikop sa station manager sa Radio Mindanao Network kon RMN DXBC-Butuan nga si Ramil Bangues.
Sa eksklusibong sa Bombo Radyo Butuan, gipadayag ni Col. Rafols nga pinaagi sa maong pagkasikop, mahatagan na og higayon si Bangues nga mapasabot ang iyang kaugalingon ngadto sa korte batuk sa gipasaka niyang cyber crime.
Saysay sa opisyal, gipasaka niya ang kaso ning mi-aging tuig 2019 dihang siya pa ang information officer kaniadto sa Police Regional Office kon PRO-13.
Nagsumikad matud pa kini dihang nadakpan ang usa ka doktor atol sa anti-illegal drug operation kinsa mao usa’y iyang doktor tungod sa iyang gihambing taas nga blood pressure ug diabetes.
Ang iyang gipalagan tungod kay sa pag-anchor matud pa ni Bangues ng naka-live stream pa, gi-headline niini ang pagkasikop sa maong doktor nga duna matud pa’y daghang kostumer og gi-apil na siya niini.
Iya kining gireklamo ngadto sa Cyber Crime Unit sa PRO-13 ilabina nga dili pasyente ang gigamit niining termino kaniya kondili kostumer matud pa sa doktor nga kung buot huna-hunaon, kostumer sa ginadiling druga.
Naghatag matud pa kini og dakong kaulawon ngadto kaniya ilabina sa iyang pamilya ug sa han-ay sa kapulisan kansa makonsiderang inisyal nga nakab-ot nga hustisya sa kaulawong nahatag ni Bangues ngadto sa iyang pagkatawo.
