BUTUAN CITY – Tumang kalipay ang gibati ni Kapitan Gemma Tabada nga nadakpan sulod mismo sa iyang barangay sa Baan Km. 3 ning siyudad sa Butuan kagahapong adlawa ang high value individual ug nakuha pa ang ihagbungay unta niini nga ginadiling druga.
Madumdumang mi-abot sa P476,000.00 ang kantidad sa 70-gramos nga suspected shabu nga nakumpiska atol sa gilusad nga anti-illegal drug raid ngadto sa usa ka high value individual nga si Julius Helardis Dumanon, 40-anyos, ulitawo, residente sa Brgy. Libertad ning siyudad ug caretaker sa usa ka farm sa Purok 1, Ubod-ubod, Brgy. Baan Km.
Sa eksklusibong pakighinabi sa Bombo Radyo Butuan, gibutyag ni Kapitan Tabada nga caretaker lang sa usa ka farm sa usa sa iyang mga tagi-barangay ang nadakpan.
Sukad sa iyang paglingkod, karon pa siya nakakita og dinagko nga bulto sa suspected shabu kansa iproseso pa rason nga dako ang iyang pagpasalamat sa malampusong operasyon tungod kay naluwas man ang mga.tawong makapalit unta sa maong ginadiling druga.
Alayon niini, nanawagan siya sa tanang nalambigit pa gihapon sa paggamit ug pagpamaligya og ilegal nga druga nga mu-undang og musurender na sa ilang barangay office aron inanay nga matabangan nga mabalik na sa normal ang ilang kinabuhi ilabina kadtong duna na’y pamilya ug mga anak.
