BUTUAN CITY – Ang pagtakda og klarong agrariran reform policy may gipanghinaut karon sa Kilusang Magbubukid ng Pilipinas kon KMP human nga ipirmahan ni DA Secretary ug Pangulong Ferdinand Marcos Jr. ang New Agrarian Emancipation Act nga mag-condone sa amortisasyon sa yuta nga gibayaran sa kapin 600,000 ka mga ARBs sa Comprehensive Agrarian Reform Program kon RA 6657.
Sa eksklusibong pakighinabi sa Bombo Radyo Butuan, gipadayag ni kanhi Department of Agrarian Reform kon DAR Secretary ug karon chairperson emiritus sa Kilusang Magbubukid ng Pilipinas o KMP nga si Rafael Mariano nga dugay nang overdue ang kondonasyon sa mga wala nabayrang amortisasyon sa yuta sa mga Agrarian Reform Beneficiaries kon ARBs kalabot sa programa sa yuta sa gobyerno.
Dugang ni Mariano, 35 ka mga tuig matud pa ang gipalabay sa gobyerno adiser narekognisa ang kawala’y kakapas sa mga mag-uuma nga mabayaran ang utang ug mariyalisar nga ang amortisasyon, counter-productive burden alang sa mga ARBs.
Human sa bag-ong balaud, angayan matud pang isunod na sa gobyerno ang paghimong balaud sa bag-ong agrarian reform program ug libreng pagpanghatag og yuta aron dunay kapadulngan ang mga land owners nga padayong naggukod sa determinasyon kalabot sa ilang final just compensation.
Anaa pa ang mga land owners nga duna pa’y pending petition to lift sa notice of coverage nga gi-isyu sa DAR, apil na ang mga duna pa’y pending petition for exemption gikan sa coverage sa Comprehensive Agrarian Reform Program kon CARP apil na kadtong duna’y aplikasyon alang sa land-use conversion o haka petition for cancellation of emancipation patents ug uban pa.
