BUTUAN CITY – Subling gipasibaw dinhi sa Bombo Radyo Butuan sa pipila ka mga residente sa Purok 3, Brgy Sumilihon ning siyudad sa Butuan ang mibalik na usab nilang problema kalabot sa nangdagsang nga mga langaw nga mugna sa pagpang-harvest na sa poultry farm duol sa ilang lugar ug sa ilang gihimong clearing operation.
Sigon ni Alice Estandante, upat ka adlaw na nilang giproblema ang fly infestation nga naghatag kanila og kasahol sa adlaw-adlaw nilang mga paglihok ilabina sa ilang pagpangaon.
Kini tungod kay bisan og panahon sa kagabhi-on anaa gihapon maglupad lupad sa sulod ug gawas nga bahin sa ilang balay ang mga langaw nga kasagarui, musawo na sa ilang mga pagkaon.
Ang ilang kadismaya sa kawala’y aksyon sa ilang mga barangay officials ug sa City Health Office sa balik-balik na nilang problema, maoy nagtukmod kanila nga i-post nalang kini sa social media uban sa pangindahay nga ma-aksyunan na.
